非分熟女蔡卓妍全裸选择性障碍角色:想告诉大家性是保持一颗平常心

导读:四年前蔡卓妍喺爱情伦理电影雏妓中,扮演一个曾经试过援交,后面变成帮助雏妓嘅女大学生,戏中情感流露嘅演出,以及突破性嘅大胆尝试令观众对佢刮目相看,原来阿Sa唔系净系识演清纯学生妹同谈情说爱嘅电影。佢都可以刻画有内涵,好深刻嘅角色。当时佢更凭...

  四年前蔡卓妍喺爱情伦理电影雏妓中,扮演一个曾经试过援交,后面变成帮助雏妓嘅女大学生,戏中情感流露嘅演出,以及突破性嘅大胆尝试令观众对佢刮目相看,原来阿Sa唔系净系识演清纯学生妹同谈情说爱嘅电影。佢都可以刻画有内涵,好深刻嘅角色。当时佢更凭住呢个角色提名金像影后。四年后阿Sa喺新戏非分熟女中再次突破自己,演一个失婚中女小敏,结婚4年仍然系处女,离婚后先慢慢学会爱人同接受性,而喺新戏中阿Sa仲更加大胆挑战全裸,仲有跳钢管舞嘅火辣片段,呢个作品令佢距离再夺影后更进一步,保持一颗平常心!

  喺电影嘅预告片中,阿Sa玉背全裸,坐喺浴缸内背对镜头,动作非常引人遐想,尺度相当大。斋睇呢一幕就知道呢出电影一啲都唔简单。讲到拍裸露戏份最困难嘅事系咩,阿Sa话系用遮住重点部位,黏嘅时候要黏得好准,撕开胶纸嘅时候就会非常痛,阿sa笑言就好似脱毛咁。

  女主角小敏因为自细成长环境缺乏关爱,为自己嘅内心锁上重重枷锁,喺电影中经历过一番磨砺,最后真正解放自己。戏中有好多情欲场口,更有阿Sa大跳挑逗钢管舞,如果话当年嘅雏妓中嘅性仲带有一啲青涩嘅味道,咁喺呢出戏中嘅性,完全系成熟女人嘅性。

非分熟女蔡卓妍全裸选择性障碍角色:想告诉大家性是保持一颗平常心

  阿Sa喺电影优先场上同大家分享拍戏感想

  为新戏苦练钢管舞,阿Sa话拍完呢场戏脚趾流嗮血,好大牺牲。

  阿Sa今次能够演好呢嘅角色,全靠两个男人支持。

  第一个就系幕前嘅男主角吴慷仁。要拍一出有好多情欲戏份嘅电影,有个好对手非常仲要。阿Sa就大赞对手吴慷仁够专业。

  吴慷仁来头不小,身为台湾金钟视帝嘅佢一直都系公认嘅演技派,为咗演好一个从台湾嚟到香港嘅厨师角色,吴慷仁坚持成出戏都讲广东话,仲专门去到茶餐厅学抛镬,敬业精神令全剧组佩服。

  而且令阿Sa最敬佩嘅,就系吴慷仁非常尊重对手,喺演到有情欲场口嘅时候,佢会先同对方交待自己会摸对方边度,令阿Sa完全放心将自己交俾对方。

  吴慷仁无论系从角色嘅准备,定系合作时对对手嘅尊重,都令阿Sa非常敬佩。

  第一次嚟香港拍戏嘅吴慷仁对香港一切都充满新鲜感,佢都有喺微博同大家share,仲话自己会一个人去洗衣店洗衫,够嗮贴地。

  第二个就系阿Sa男友石恒聪。阿Sa话男友系个好钟意睇电影嘅人,分分钟睇佢嘅电影仲多过我,而且好支持阿Sa嘅演艺事业。出道将近20年,慢慢发现自己爱上表演,希望成为出色一个演员嘅阿Sa,能够获得一个有深度嘅剧本,有内涵嘅角色,当然要把握机会,而男朋友都非常鼓励去接戏。一啲都冇呷醋。得到支持嘅阿Sa当然就可以尽全力去演。

  阿Sa戏中造型同以往青春活力嘅形象差距相当大。

  情欲戏难免会成为一出电影嘅卖点同关注点,但非分熟女想讲嘅故事好简单,阿Sa坦言,其实性系好平常嘅事,但亚洲女性基于地区文化嘅影响普遍非常内敛,甚至有时会压抑自己。佢想藉住电影去同大家展现一个女人成长同解放嘅过程,只有放低心中嘅枷锁,先可以接纳同爱他人,当然咁先可以真正享受性带嚟嘅乐趣。


女神们部分内容来源于互联网,登载此文出于传递更多信息之目的,并不意味着赞同其观点或证实其描述。文章内容仅供参考,如有侵犯版权请来信告知E-mail:1074976040@qq.com,我们将立即处理。

分享:
上一篇:超级英雄也加入十年挑战!《蜘蛛人》梅婶逆生长,死侍伤口洒盐金钢狼! 下一篇:官方确定《死神来了》强势回归!继飞机过山车后

相关文章