奥斯卡电影2019 大热影帝Rami Malek一出好戏! 曾扮孖生细佬考试一Take过关?!

导读:于《波希米亚狂想曲:摇滚传说》演活传奇乐队Queen已故主音Freddie Mercury嘅Rami Malek凭电影首获奥斯卡影帝提名,其实佢本身都已经系实力派,细个成功扮孖生兄弟考试之外,拍戏拍剧仲拍到有星级粉丝,你又有无睇过佢之前嘅作品? 拥有埃及血统嘅Rami出生于美国洛杉...

  于《波希米亚狂想曲:摇滚传说》演活传奇乐队Queen已故主音Freddie Mercury嘅Rami Malek凭电影首获奥斯卡影帝提名,其实佢本身都已经系实力派,细个成功扮孖生兄弟考试之外,拍戏拍剧仲拍到有星级粉丝,你又有无睇过佢之前嘅作品?

  拥有埃及血统嘅Rami出生于美国洛杉矶,仲有一个出世相差仅仅4分钟嘅孖生细佬Sami,而佢就曾经自爆两兄弟细个劲曳,成日藉著似样而帮对方做唔少坏事,当中仲包括调包考试!

  Rami曾于访问讲到Sami有一年读希腊研究,但唔合格就唔够学分毕业,结果求岩岩读完演艺学校嘅佢帮拖,读希腊文剧本考试!

  Rami话细佬事前画晒学校地图等佢唔会穿煲,而本身好紧张嘅佢见到有观众就开心晒:一见到全场观众(学生),我就谂要珍惜演出嘅时刻!最后仲入戏到一Take Pass,坚系戏内戏外都爱演戏!

  Rami除咗系学院派,仲系贴地影星,因为初入行时成身学费债务,最后打工送Pizza同整三文治,仲考埋地产牌,最后先慢慢接到多啲演艺工作揾钱,拍咗唔少奀剧演奀角后,终于拍大制作《翻生侏罗馆》演法老王一角。

  佢仲一连拍晒三集,算系有个长期又令人认到嘅角色!

  而佢后来曾出现于《吸血新世纪4:破晓传奇下集》演吸血鬼,以及Spike Lee重拍《原罪犯》嘅电影《Oldboy》,不过最后都唔系靠拍戏上位,而系一剧爆红!

  呢套神剧就系《黑客军团》,剧集主脑Sam Esmail话本身试镜试咗百几人都唔成事,仲考虑重写角色,最后见到Ramih先知情绪不稳嘅电脑黑客角色系为佢度身订做!

  剧集于2015年6月一出即成全城焦点,更令Rami成为艾美奖首个的非白人视帝!

  Rami嘅演技凭神剧而备受肯定,就连铁甲奇侠Robert Downey Jr.都多次大赞,仲亲身去探班。

  Robert月前更同埋Rami一齐主持《波希米亚狂想曲:摇滚传说》嘅试映活动,挺身加持,识英雄重雄!


女神们部分内容来源于互联网,登载此文出于传递更多信息之目的,并不意味着赞同其观点或证实其描述。文章内容仅供参考,如有侵犯版权请来信告知E-mail:1074976040@qq.com,我们将立即处理。

请关注网站旗下微信公众号 环球女神网
分享:
上一篇:官方确定《死神来了》强势回归!继飞机过山车后 下一篇:《反斗奇兵4》入场前必知5大看点:胡迪跟翠丝不是一对!

相关文章